2017/09/14

[懶系廣告]人前人後

做了廣告PR這幾年,遇見了很多"人前人後"兩個樣的人。
不管是有名氣、無名氣、來自大公司、小公司、主管、經理人、還是個只負責"傳話"的夾心階層,合作初期大家通常都很客氣,討論合作細節時有求必應,亦很容易達到共識,進一步合作下去。可是,每當案子的價錢和方向落定之後,客戶和KOL雙方確認合作,進入了execution階段,偏偏就會出現無限的轉變,跟意想不到的狀況發生,也許和原本一開始大家討講的有180度的改變,繼而客戶和KOL各持己見,這個時候,是我認為當廣告PR最辛苦和最"食屎"的時候,因為兩方都不能得罪,要取得平衡,難聽的說話就一句一句吞下去,硬著頭皮去談判。

話說某一次,同事A正在處理一個大品牌與一個大明星合作的案子,以下是同事A和該經理人B的模擬對話:

同事A:不好意思,客戶方面想XX再影多次張相,因為之前個張相產品唔夠清晰...而且背景太花,之前講過客戶想要背景淨白色的。

經理人B:但我地冇咩時間再影啦,因為冇白色牆,XX覺得呢度影靚D!

同事A:但個product都blur blur地,最好係白牆前再影多次。

經理人B:你地自己執下張相唔得咩?同埋XX呢幾日都有工作,佢要好夜先得閒。

同事A:或者我地可以俾多幾日時間佢再影過呀,同埋仲差文字要俾客戶個邊睇...

經理人B:因為佢真係冇咩時間,字你地幫佢寫埋啦,佢可以直接post架,我地冇咩所謂架!

同事A:咁樣...(反哂白眼)...其實佢自己寫番會好d喎,始終佢先寫到自己對於產品既用後感等等...或者星期五先一次過交番張相同字我呀...

經理人B:咁我要同佢傾下先...

其實可以的話,我相信同事A絕對不介意做埋執相和文字創作,但試問該筆明星廣告費又可不可以直接轉賬入自己的銀行戶口呢?



2017/09/07

[懶系廣告] KOL vs Artist 傻傻分不清楚

最近兩年因為網絡工作接觸了很多不同的 KOL (Key Opinion Leader),加上客戶的需求量都越來越多,應付這類KOL的工作佔據了每天工作的百分之六十,客戶開始出現種種奇怪的requirements。廣告界PR除了要因應客戶要求,尋找有一定本地fans base的KOL外,還開始舉出了不同的附帶條件,包括KOL的職業、年齡、粉絲的年齡層、FB page enagement,有時我們還要尋找一些愛素食、熱愛運動、喜歡打機,甚至本身要是化妝師、造型師、營養師、醫生、旅遊達人、空姐、身為家長的KOL等等,種類多不勝數,反正越多貨仔,識得人多自然最好!

但不要以為現在 "人人都是KOL" ,PR很容易找到客戶心目中想找的人。首先,我不認為 "人人都是KOL"這個說法,因為一個KOL應該是擁有自己的才能或在某些方面特別表現出眾,然而具有影響力,才稱得上"KOL" ,那些主張外貌身材的,頂多是個模特兒。

要尋找符合客戶要求的KOL,是我的工作之一,除了一班網絡紅人,有時還得找上一些本身已具知名度的藝人,可能是最近火紅的歌手、剛出爐的港姐、或者最近有新戲上影的演員,這些都可能是客戶心目中的人選,當然,大家認為這個人到底適不適合宣傳或代表該產品,則是另一個重要課題。

以下模擬對話:

PR Ellen:Hi 小B,我係XXX公司既PR,想邀請你公司旗下既KOL XXX 合作架,幫某一個薯片brand做個FB feed既廣告,基本上想佢拎住包薯片影張相加文字caption就可以了,想問下佢有冇興趣同埋報價 ...

經理人小B:有冇多少少details,就咁我唔會報價俾你...

PR Ellen:我尋日都email左產品資料同埋FB feed內容方向俾你架,唔知你收唔收到呢?或者我可以詳細講一次,我地個客係薯片brand,今次campaign想搵KOL係FB page...

經理人小B:sorry,我諗你地搞清楚先,我地個d係"Artist"唔係"KOL",我地同"KOL"唔同。

PR Ellen:......咁我地個客想搵你個"Artist"係佢既FB page出個post...


[懶系廣告] As soon as possible!!

廣告這行,特別是online advertising,客戶總覺得你們做事就是快,總之越快越好,所以基本上沒什麼deadline,email見得最多就是 ASAP (As soon as possible),今天的事今天做。特別是負責social media的同事,每分每秒都在緊貼時事,一有什麼世界大事、娛樂圈勁爆消息、颱風襲港等等,Facebook newsfeed就會彈出一大堆類似的content,如果你慢過其他人就要好好檢討啦!這個情況在面對客戶時都一樣,有email最好即日覆,有miss call最好即日call back,因為客戶時刻都覺得你在為他/她服務,記得沒有最快只有更快。

模擬以下對話:

客戶Lili:Hi Brian,我岩岩五分鐘前email左你,唔知你收唔收到呢?公司黎緊有個event想搞,想搵你地合作,主要係做個product launch event(下刪100字講解主要做什麼...)但時間唔多,老闆想聽日睇個proposal,我都知好趕架啦,但你地聽朝十點前交俾我得唔得?

同事Brian:咁趕,真係難d呀!都要多dd時間同其他同事傾下,再諗個idea同做proposal!

客戶Lili:咁一係聽朝你俾住個idea同quotation我先啦,之後交proposal都得。

同事Brian:但我都要同其他同事開會傾下先,今個星期尾俾你得唔得呀?

客戶Lili:我聽朝就要開會,一係你俾左個錢我先啦!

同事Brian:但我要開會傾左個event點做先計到錢,因為場地、production、搵MC、搵嘉賓、禮物... 全部都要quote呀,好難聽朝就答到你,真係唔得呀!

客戶Lili:其實我都有同緊其他公司傾,佢地都係聽朝俾既,點解你地唔得架?

同事Brian:(OS:哦,原來係咁...你老闆...)但時間真係太趕,一係...我試下砌住個 "ballpark" budget俾你先,其他野之後再覆你...咁ok嗎?

客戶Lili:咁ASAP啦!